انتهى المطرب هيثم شاكر من تسجيل أحدث أغانيه مع مهندس الصوت هانى محروس، والأغنية تحمل اسم “لما تحس”، من كلمات عمرو المصرى، وألحان عمرو الشاذلى، وتوزيع وسام عبد المنعم، ومن المتوقع طرحها بعد أيام قليلة.
كان النجم هيثم شاكر قد حل ضيفًا على تلفزيون اليوم السابع، وتحدث عن المعادلة الناجحة فى الأغانى، وقال هيثم:” المعادلة أنك تبقى متصدق في الأغانى ومتجريش وراء التريند وسهل جدا أنك تطلع تريند دلوقتى أقلع القميص وامشى في الشارع هتطلع تريند النجاح هواللى صعب لكن التريند مفيش أسهل منه وهتعمل اى حاجة مثيرة للجدل هتطلع تريند”.
وتابع:” والناس كتير بقيت واخدها شغلانه مش بيفكر يعمل حاجة ناجحة قد ما يفكرإزاى يعمل حاجة مثيرة للجدل عشان يطلع تريند الناس هتكلم عنك ساعتين وخلاص هتختفى في غيرك لكن الحاجة الفنية اللى بتنجح بتعيش هتعملها صح بكل أركانها هتعيش وده اللى بحاول أعمله وزمان كان بيقولوا على اللى صوته حلو حسه حلو”.
يذكر أن آخر أعمال هيثم شاكر كان مسلسل “حب عمري”، تأليف فداء الشندويلى وإخراج عبد العزيز حشاد، بطولة سهر الصايغ ومنة فضالى ومى القاضى وأحمد كرارة وحنان سليمان وأمانى كمال وديانا هاشم وسامح الصريطى وتامر فرج وعدد آخر من الفنانين، واستطاع المسلسل ان يحقق نجاحاً كبيرًا.
